Во рамки на социјално-хуманитарната дејност, а по повод одбележување на Неделата на солидарност од 23 – 29 април 2012 год., под мотото “ВАШИОТ ПРИЛОГ – ЗНАЧАЈНА ПОМОШ”, Црвен крст Охрид организира хуманитарна собирна акција со цел подигање на нивото на свест на населението за потребната помош и поддршка на ранливи категории граѓани. 
Акцијата се состои во  обезбедување на помош во храна, облека, обувки, средства за хигиена, постелнина, детски играчки и парични средства, која ќе биде наменета за социјално загрозените лица, старите лица и лицата со посебни потреби од Охрид и Дебрца.
Од Црвениот крст апелираат до граѓаните да ја покажат својата солидарност и хуманост и масовно да се вклучат во акцијата со
донирање на материјални добра во просториите на Црвен крст Охрид ул. “Димитар Влахов” 52, во сите денови на траењето на акцијата вклучувајќи и сабота и недела од 8 до 15 ч. Исто така волонтери на Црвениот крст ќе ги посетуваат домовите на охриѓани со цел прибирање доброволни прилози.
OhridNews