Стариот турски амам во охридската населба Воска, кој во минатото беше вистинска депонија, наскоро ќе прерасне во уреден културен објект, кој ќе биде интересен за посетителите на Охридскиот регион. Од Националната установа Завод и музеј од Охрид велат дека градежните работи околу неговата санација и реставрација треба да финишираат за околу еден месец.
-Проектот за ревалоризација и презентација на „Воска амам“ е направен уште од 2007 година и на истиот се работи неколку години наназад. Две години пари за реализација на проектот даваше Министерството за култура на Република Македонија со што успеавме да завршиме три фази од конзервацијата на овој објект, вели Тања Паскали Бунташеска, директор на Завод и Музеј од Охрид.
Таа раскажува дека пред почетокот од санацијата амамот бил препол со градежен шут и бил вкопан во теренот.
-Амамот практично не се познаваше дека постои. Во текот на активностите успеавме да го откриеме и да го исчистиме од ѓубре. Потоа се извршија градежни активности со кои го потпревме од внатрешната страна, а ги саниравме и сите негови куполи од надворешна страна. Исто така изработивме нова кровна конструкција, поставивме хидроизолација, нови кровни покривачи и направивме фугирање, објасни Бунташеска.
Таа нагласи дека завршната фаза од санацијата на овој историски објект, ја финансира Турската Интернеционална Агенција за Соработка и Развој-ТИКА.
-Завршните активности се веќе во тек. Моментално сеуште се ослободува амамот од надворешна страна, се врши ископ за да се оформи дворното плато пред влезот, а внатре веќе се поставуваат инсталациите за струја и вода, се малтерисуваат и се глетуваат ѕидовите, рече Бунташеска.
Таа најави дека просториите на амамот првично ќе се користат како изложбен салон, а за понатамошната негова намена и функција, ќе одлучат во консултации со Исламската верска заедница и со агенцијата ТИКА.
Инаку Воска амамот потекнува од периодот помеѓу 17 и 18 век и него го користеле жителите на стариот дел на Охрид.
Минималната синдикална кошница за април изнесува 60212 денари и е за 1214 денари повисока отколку во март годинава кога беше 58998 денари Со изнајмен стан од 60 квадратни метри, пак, изнесува 75587...
Театарската претстава „Госпоѓа Министерка” од Бранислав Нушиќ, во режија на Благој Мицевски премиерно ќе биде изведена во НУЦК „Григор Прличев“ – Охрид / Народен Театар Охрид во сабота,...
Неизвесно е што ќе се случува со војната во Украина и на Блискиот Исток која директно се рефлектира врз цената на нафтата Не се знае ниту каква ќе биде жетвата во Русија и Украина и што ќе се случу...
Оваа веб-локација користи колачиња за да можеме да ви го обезбедиме најдоброто можно корисничко искуство. Информациите за колачињата се зачувуваат во вашиот прелистувач и извршуваат функции како што се ве препознаваат кога ќе се вратите на нашата веб-локација и му помагаат на нашиот тим да разбере кои делови од веб-локацијата ви се најинтересни и корисни.
Строго неопходни колачиња
Строго неопходното колаче треба да биде овозможено во секое време за да можеме да ги зачуваме вашите параметри за поставките за колачиња.
Ако го оневозможите ова колаче, нема да можеме да ги зачуваме вашите параметри. Ова значи дека секогаш кога ќе ја посетите оваа веб-локација ќе треба повторно да ги овозможите или оневозможите колачињата.