Тренерот на Ренова, Ќатип Османи на теренот во Охрид истрча со најјакиот состав, што резултарираше со целосна иницијатива во првиот дел. Шанси да го отворат резултат имаа новајлиите Изаир Емини и Ерсен Сали, но голманот на Борча, Шкариќ беше на висина од задачата.
На стартот од вториот дел Силјаноски по солопродорот го проигра Симовски, кој од прва биеше во поблискиот агол и донесе водство за Ренова.
Османи после голот се одлучи да им даде шанса на сите фудбалери, тоа гостите од Србија го искористија и презедоа контролата на играта.
По една мешаница во казнетиот простор на Ренова најдобро се снајде Јовановиќ, кој со прецизен удар ја погоди мрежата на “гипсарите“ и изедначи на 1-1.
– Мечот против Борча ние прв контролен натпревар во Охрид и многу сум задоволен од играта особено во првиот дел кога доминиравме на теренот. Во Охрид ќе ја одработиме претпоследната фаза и максимално ќе се подгтовиме за стартот од шампион – истакна Османи.
Ренова следната контрола во Охрид ќе ја игра против тимот на охридскиот стратег Драган Бочески екипата на Напредок.
