Сообраќајот на сите магистрални и регионални патни правци низ државата се одвива без забрани, на места по влажни коловози. Во утринските часови, на возачите им се препорачува поголема внимателност поради можна појава на магла долж патните правци покрај речните текови, информираат од АМСМ.
Низ клисурите и планинските превои во земјава, каде што е зачестена појавата на поситни одрони, се препорачува внимателно возење. Ова се однесува за патните правци Катланово – Велес, Демир Капија – Удово и Маврово – Дебар – Струга.
Граѓаните се потсетуваат дека од 15-ти овој месец, задолжително е поседувањето зимска опрема за возилата.
OhridNews
