Изложбата содржи триесет и три икони на кои се јавува портретот на Свети Наум , кои датираат од 18 и 19 век и кои за прв пат се презентираат пред јавноста.
Изложбата ја отвори архиепископот охридски и македонски г.г. Стефан, кој истакна дека за Свети Наум Охридски се знаело уште во 10 век од кога започнал да се почитува како светител.
– Неговиот култ, покрај во охридско-преспанскиот, присутен е и во битолско-прилепскиот крај, како и во Корча и Москополе, во Костур и Берат, на север, дури до Влашко и Балатон, рече архиепископот Стефан.
Тој потенцира дека иконите кои го носат ликот на Св. Наум се распространети речиси на секој континент, благодарејќи на македонските исленици во светот.
– Поставените икони од оваа изложба нека бидат повод за во иднина да излеземе од нашите граници за да видеме до каде стигнал и е пренесен Св. Наум, неговиот култ и неговиот лик, истакна г. г. Стефан .
вредните икони со портрети на Св. Наум Охридски за прв пат пред јавноста
Освен икони од струшкиот и охридскиот регион, од изложбата дел се и икони од Бигорскиот манастир, како и од дебарскиот и кичевскиот регион.
фото:Емилио
