„Развојна психопатологија: предизвици и можности“ ќе биде главната тема на „I-Македонска конференција за детска и адолесцентна психијатрија со меѓународно учество“ што ќе се одржува во Охрид од утре до 18-ти октомври 2014 година. На овој научен собир ќе учествуваат врвни психијатри од Македонија и од неколку странски земји.
Според информациите кои се објавени на веб страницата на „Психијатриското здружение на Македонија“, во организациониот одбор на конференцијата се проф. д-р Антони Новотни, доц. д-р Димитар Боневски, проф. д-р Марија Ралева, доц. д-р Ненси Манушева, д-р Насер Дурмиши, д-р Александар Ристевски, м-р Александра Цонева, м-р Андромахи Наумовска и други спецјалисти од психијатриската област.
Поканети предавачи на конференцијата се проф. д-р. Ѓузепе Киаренца од Италија, проф. д-р Вероника Ишпановиќ од Србија, проф. д-р Гокхан Орал од Турција, акад. Нада Поп-Јорданова од Македонија, прим. д-р Војислав Ќурчиќ од Србија и доц. д-р Милица Пејовиќ Милованчевиќ од Србија.
OhridNews
