Врвниот џез гитарист Звонимир Тот настапува во „Џез Инн“

Врвниот џез гитарист и композитор Звонимир Тот, чии дела се исклучително познати на музичката сцена во САД, утре вечер, 9 јуни, ќе настапи во култниот охридски клуб „Џез Инн“.

Тот воедно е и професор на џез академијата во Чикаго и има одржано голем број на концерти со познати американски и европски џез изведувачи, а гостувал и на повеќе џез фестивали во САД, Мексико, Германија, Холандија, Хрватска, Португалија, Белгија, Шпанија, Унгарија и многу други држави.

Има снимено голем број на албуми кои се одлично прифатени од слушателите на џез музиката: Standards Live at the Jazz Showcase (Groove Art Records, 2016); Eloquent Silence (Chicago Sessions, 2009); Travels and Dreams (Groove Art Records, 2004).

Во „Џез Инн“ Тот ќе настапи во придружба на македонските џез ѕвезди Тони Китановски (гитара), Кирил Туфекчиевски (бас) и Славчо Коцев (тапани).

Картите по цена од 200ден. се продаваат во Музичка куќа ЗЗ Топ и во „Џез Инн“, а местата се лимитирани.

Настапот почнува во 21.30часот.

OhridNews