По дванаесет години од првиот конгрес, Сојузот на балканските Египќани, денеска во Струга, го одржува Вториот конгрес.
На собирот учество ќе земат педесетина делегати од сите балкански држави каде што живеат Египќаните. На дводневниот конгрес треба да бидат усвоени измените на статутот на Сојузот на Египќаните и ќе биде извршен избор на ново раководство и генерален секретар.
Делегатите треба да ја усвојат и долгорочната стратегија за развојот на Сојузот на балканските Египќани и насоки за зголемување на економската соработка помеѓу балканските Египќани.
На конгресот ќе биде разгледана состојбата со правата на оваа етничка заедница, која како што велат организаторите, е различна во земјите на Балканот.
OhridNews
