Навивачите на Брегалница и Тиквеш, го засенија супер дербито во Втората македонска фудбалска лига-исток, откако имаа блиска средба во центарот на Штиш. Средбата на двете навивачки групи резултатираше со масовна тепачка, во која неколку минути никој не знаеше што се случува, а ниту полицијата не можеше да воспостави ред и дисциплина.
Во сенка на немилите сцени паднаа големата борба на теренот, по која двете екипи ги поделија бодовите, ремизирајќи 1-1. Брегалница, можеби малку ќе биде посреќна со освоениот бод, бидејќи ја задржа предноста од шест бодови, во однос на конкурентот.
Фудбалерите на Охрид забележаа нов триумф во Втората лига-запад, совладувајќи го Велазерими со минимални 1-0. Со најновата победа, охриѓани, повторно се пробија во топ 4 на табелата и имаат сериозни шанси да се замешаат во борбата за втората позиција.
- Резултати:
Кораб – Велешта 0-1
Гостивар – Дрита 2-1
Тетекс – Скопје 1-2
Охрид – Велазерими 1-0
Кадино – Вардар Форино 1-1
Табела: Скопје 33, Гостивар 27, Велешта 26, Охрид 22, Велазерими 22, Кораб 21, Кадино 15, Вардар Форино 12, Тетекс 7, Дрита 7
OhridNews
