Трета година по ред Унгарската престолнина Будимпешта беше домаќин на најдобрите четири ракометни состави во Европа. Ракометниот „фајнал фор“ викенд во целост ги исполна очекувањата на ракометните гурмани.
Два дена исполнети со врвен ракомет, во кои се можеше да се види и доживее во „Пап Ласло“ арената. Изненадувања, до крај неизвесни мечеви со „тесни“ победи, продолженија па дури пенали сето тоа зачинето со неверојатни одбрани, победнички извици на радост, но и тага понекоја солза како и сензационален победник во името на дебитантот Букурешт.
Бајката наречена „Лестер“ ја живеаат и ракометарките на Букурешт. Допатуваа во Будимпешта како дебитанти и аутсајдери, но со солиден багаж по елиминацијата во четвртфиналето на дотогаш неприкосновениот Дон Ростов.
Аутсајдерската улога им го симна психолошкиот товар од плеќите и предводени од данецот Ким Расмунсен на клупата но и „зидот“ Јелена Грубишиќ на голот, прво го изненадија македонскиот првак Вардар, а дека не се дојдени во Унгарија на прошетка потврдија во финалето.
Против себе го имаа „домашниот“ Ѓер кој на крилата на френетичната публика атакуваше на враќање на ракометното европско злато. Романките на теренот ја имаа Гулден (104 гола најдобар стрелец во ЛШ) а покажаа и дека имаат други планови. Дома да се вратат со титула. Човекот кој до пред овај викенд важеше за „Мистер 4 место“ Ким Расмунсен задоволно ја напушта Унгарија со титулата во својот багаж.
Домаќниот Ѓер го „спаси“ фајнал фор викендот. Салата беше исполнета до последното место благодарени на навивачите на „зелените“ кои не ги штедеа своите грла и дланки бодрејќи го својот тим. Но неколкуте нијанси „плаво“ им ги затворија устите. Бразилката Песоа, „ракометниот Тафарел“ ги зави во црно по одбранетите удари во пенал рулетот во финалето.
Допатуваа како бранители а си одат без победа. Така некако е тоа, за до пред некој европскиот првак Будуќност кој ги загуби двата меча во Будимпешта.
Кај црногорките воопшто не недостауваше желбта за победа, гладта да се повтори ланскиот успех, но то едноставно не беше доволно. „Финалето пред финалето “ т.о. полуфиналето го загубија од мотивиранио Ѓер , а мечот за бронза од „експертот“ за мечеви за трето место Вардар.
Трета година по Македонскиот првак Вардар го освојува третото место во Лигата на шампиони. Залудна беше радоста кај „црвено-црните“ по објавената вест дека Букурешт е противникот во полуфиналето, кога неоспорниот квалитет не беше поврден на терен со позитивен резултат.
Дали третото место е успех или не, треба да покажат допрва анализите. Дали овој тим составен во најголем број од интернцаионалки може да биде задоволен со бронзениот медал?
Според она што се гледаше на лицата на ракометерките по елиминацискиот пораз од Букурешт сигурно не. Желбата беше финале и борба за златото. Но, домашниот есап не излегува секогаш на пазар. Пред “црвено-црните“ престои доволно долг период да се средат емоциите и со ладна глава да се работи на пропуштеното оваа година.
Будимпешта сака да биде „главен“ град на женскиот ракомет
Денот кога аутсајдерот стана првак (видео)
М.П.
