До крајот на годинава приватнте фирми на вработените треба да им исплатат регрес за годишен одмор, или попознат како К-15. Работодавците кои тоа не го сториле досега, ќе треба во следните 15 дена да ја исполнат оваа обврска која е уредена со Општиот колективен договор за приватниот сектор.
Од Сојузот на синдикати на Македонија очекуваат на работниците кои работеле најмалку шест месеци кај ист работодавец да им бидат исплатени средства во висина од најмалку 40 проценти од основицата. Во Спогодбата за измени на Општиот колективен договор (ОКД) што го потпишаа Сојузот на синдикати на Македонија и Организацијата на работодавци се дава можност да се исплати регрес на годишен одмор и во поголем износ доколку можностите на компанијата го дозволуваат тоа, а во оние фирми кај кои настанале потешкотиии во работењето по задолжителна претходна консултација со синдикатот, може да се утврди регрес за годишен одмор во помал износ од износот утврден со ОКД.
OhridNews
