За првите десет месеци од 2013 година, согласно податоците од Државниот завод за статистика, има значително подобрување на целокупната туристичка ситуација во Република Македонија, при што кај вкупниот број туристи бележиме зголемување од 6,11 отсто, а ако се погледне бројот на странски туристи тогаш можеме да констатираме дека имаме зголемување на 15 отсто во однос на истиот период за 2012 година, информира денеска Министерот за економија, Ваљон Сараќини, јавува „Макфакс“.
Ресорниот министер најави и амбициозна програма за туристичка промоција на државата во светот, со која Македонија во 2014 година ќе биде претставена на повеќе од 15 светски саеми.
Како што тој посочи, ќе се организираат и т.н. роуд шоуа само во делот на туризмот, каде ќе има средби со туроператори, туристички агенции и работници во областа на туризмот.
Исто така, на средбите ќе бидат претставени можностите за привлекување туристи и можностите за инвестирање во туристичките развојни зони во Република Македонија.
OhridNews
извор: „Макфакс“
