Секторот за внатрешни работи Охрид ги известува граѓаните дека на подрачјето на Охрид, а особено во периферните и селските населби, зачестени се кражби на бакарни предмети (казани, тави и сл.) како и на електрични кабли од јавната инсталација од имотите на физички и правни лица.
Со цел, откривање на сторителите на овие кривични дела и спречување на ваквите појави во иднина, полицијата апелира до граѓаните доколку имаат некакви сознанија за извршителите на ваквите кражби да ги пријават во СВР-Охрид или во најблиската полициска станица.
