Нуркачите од македонските клубови, кои вчера учествуваа во акцијата за чистење на отпад од Охридското Езеро, што се реализра во рамки на глобалната иницијатива за чистење на водите, предупредуваат на големата загаденост на реките. Особено состојбата е загрижувачка во западниот дел од земјата, каде, како што велат, има огромни количини цврст отпад, кој тешко може да се отстрани без широка акција.
-Реките се загадени со отпад од пластика, лименки, гуми, стакло и друг цврст отпад и потребна е синхронизирана акција во која ќе треба да бидат вклучени јавните комунални претпријатија, еколошките друштва, локалното население и се разбира нуркачите, изјави Киро Ангелeски, претседател од спелеонуркачкиот клуб „Врело“.
Инаку, во рамки на глобалната иницијатива за чистење на водите, македонските нуркачи ќе спроведат вкупно 12 акции, а наредните ќе бидат во октомври на Преспанското и Дојранското Езеро.
