Двајца работници загинаа во инцидентот, кој се случи на стадионот од Сао Паоло, на кој ќе се играат натпреварите од Светското првенство следната година.
Кобен момент за работниците било откачување и паѓањето на кранот врз јужната трибина која била во завршна фаза. Тие починале на лице место, а само среќата била на страната од останатите работници кои во тој момент биле на фаталното место.
Почесното отворање на мундијалот во Бразил ќе биде на овој стадион, кој има капацитет од 65 000 гледачи, а за трагичниот настан се огласи првиот човек на ФИФА, Сеп Блатер.
– Испраќаме искрено сочуство до фамилиите кои ги загубија своите блиски во трагичниот настан кој се случи во Бразил. Безбедноста на работниците е врвен приоритет на ФИФА. Ќе почекаме да се изврши комплетно испитување што навистина се случило и ќе излеземе со наш став околу безбедноста на работниците – рече Блатер.
Пред уривањето на јужната трибина стадионот бил скоро готов, само ситници го делеле од почнување да се средува теренот и околу стадионот.
Покрај премиерниот меч на стадинот во Сао Паоло ќе се одиграат уште четири натпревари вклучувајќи го и еден од полуфиналните дуели.
Мх.П.
