Поканата за Рамазанската вечера беше упатена до градоначалникот на општина Охрид. На кого понатаму му беше пренесена поканата од страна на службите при локалната самоуправа не е наша работа, велат од весникот на турски јазик, „Заман“ по реакциите на опозицијата дека нивните советници не добиле покана за заедничко присуствување на вечерата.
Од Одделението за односи со јавност при локалната самоуправа информираат дека градоначалникот и членовите на Советот на општина Охрид присуствувале на рамазанската вечера на покана и во организација на претставниците од весникот „ЗАМАН“.
На Рамазанската вечер која се одржа во петокот присуствуваа градоначалникот Никола Бакрачески, претставници на локалната самоуправа и членови на совет. Опозициските партии и коалиции реагираа дека до нив не пристигнала покана од никого за присуство на рамазанската вечера.
OhridNews
