Вкупно 28 парчиња рибарски мрежи со должина од 1400 метри и 43 парчиња охридска белвица запленил Државниот инспекторат за земјоделство од Охрид при синоќешната акција во водите на Охридското Езеро во правец на караулата кај село Радожда.
Акцијата за заплена која била резултат на размената на информации помеѓу македонскиот и албанскиот инспекторат се организирала со помош на чуварската служба на Концесионерот на рибниот фонд на Охридското Езеро, ,,ПАСТРМКА 2012” и Граничната полиција.
Мрежите и рибите се преземени од страна на Државниот инспекторат за земјоделство, a во соработка со МВР ќе бидат спроведени мерки за пронаоѓање на сторителите, против кои ќе бидат поднесени соодветни пријави.
OhridNews
