По минатонеделното пуштање на бродовите “Александрија” и “Кристина” во водите на езерото, од викендов заплови и бродот “Галеб”, кој по извршениот технички преглед од овластената организација Биро Веритас, го доби потребниот сертификат за пловидба согласно Законот за внатрешна пловидба.
Како што информираат од охридската капетанија, издадените сертификати имаат важност до 08 октомври 2011 година, а по подмирувањето на потребните давачки за извршениот технички преглед во целост, кон „Биро Веритас“, ќе им биде издаден сертификат во траење од три години.
Засега, единствено од сопствениците на бродот “Македонија” не е поднесено барање за потврдување на способноста за пловење, поради што овој брод и понатаму останува закотвен.
OhridNews
