На 1300 метри надморска височина, вчера, на празникот Цветници, кај манастирот „Св. Спас“ во Вевчани, беше поставен камен темелникот од 25 метарскиот Вевчански крст, донација на екс пратеникот и актуелен генерален директор на Јавното претпријатие за стопанисување со станбен и деловен простор, Цветко Грозданов.
– Овој Свет Крст е симбол на нераскинливата христијанска и братска љубов помеѓу донаторот и Крсто Мукоски од Вевчани. Светиот крст ќе биде дополнителен подстрек за засилување на братските врски помеѓу верниците на Охрид и Вевчани и во знак на трајно пријателство, рече на чинот на осветувањето на каментемелникот на крстот, свештеникот Зоран Попоски .
На свеченоста присуствуваше и градоначалникот на општина Вевчани, Цветомир Угриноски кој заедно со Грозаднов , симболично ги фрлија првите лопати на камен темелникот .
Како што информираат од локалната самоуправа од Вевчани, изградбата на крстот се очекува да заврши за околу еден месец.
Т. К.
.
