Со цел да им се овозможи на вљубениците во маунтинбајкот (планински велосипедизам)  безбедно рекреирање на планината Галичица, јавната установа Национален парк „Галичица“, деновиве започна  со трасирање и обележување на патеките за планински велосипедизам. Обележувањето се изведува во соработка со членовите од ВСД „Енерџи“ кои имаат искуство за ваков тип на соработка, велат од националниот парк.


започна обележувањето на велосипедската патека на Галичица

Со цел поефикасно да биде изведено, обележувањето на велосипедската патека  е поделено во неколку етапи. Првата етапа од неколкуте предвидени ќе биде сосема ново искуство за љубителите на овој спорт. Потегот од село Велестово до превојот Крстец е по макадам пат во должина од околу 9 км,  кој покрај возењето пружа и прекрасниот поглед кон Охридското Езеро.


на патеката кај Велестово

Следи наградата за вложениот напор – прекрасно поле покриено со трева и различни планински цвеќиња. Самата патека продолжва по полето, помеѓу ридчињата и со секој изминат километар изненадува со новоотворените видици.  Залкучокот на членовите на ВСД „Енерџи“е  дека оваа патека може да ја извози секој маунтинбајк возач со средно ниво на физичка подготвеност, но сепак, препорачуваат внимателно возење, особено при враќањето. 


прекрасен пејзаж и извонредни услови за рекреација – НП Галичица

ohridnews
фото: НП Галичица