Деновиве на просторот пред охридската Гимназија на тротоарите од ул. „Димитар Влахов“ засадени се нови садници од дрвото Лигуструм , со што започна реализацијата на проектот на Локалната самоуправа за реконструкција на дрворедите крај градските улици.
Проектот продолжува со реконструкција на постоечкиот дрворед на улицата „ Димитар Влахов“ каде ќе бидат отстранети 53 садници од Липа, а на нивно место ќе бидат засадени нови 80 садници Лигуструм. По завршување на овој зафат ќе следат и други активнности за целосна реконструкција на улицата „ Димитар Влахов“.
Реализацијата на проектот за зелена урбанизација на Охрид беше поддржан и на дебатата што се одржа во месец март годинава, на која учествуваа претставници на Локалната самоуправа, јавните претпријатија, експерти и екологисти.
OhridNews
