Започна снимањето на втората сезона на популарната веб комедија „Идиотека“

13.02.12 01:13

Снимањето на втората сезона од популарната веб комедија „Идиотека“, авторски проект на актерот Никола Тодороски кој ексклузивно се емитува на OhridNews, започна вчера во адаптирано студио во ексклузивниот продажен центар за мебел „Еуросалон“ во Охрид. Втората сезона на „Идиотека“ на љубителите на веб комедијата, ќе им понуди нови 15 епизоди исполнети со креативен хумор, кои се снимаат во најнова дигитална технологија во соработка со „Мега“ продукција. Новиот серијал на „Идиотека“ ќе се емитува во HD формат, а првата епизода од втората сезона премиерно ќе биде прикажана на OhridNews на 2-ри март.