Слависти, македонисти, млади научници, студенти од 22 земји од светот ќе ги изучуваат македонскиот јазик, култура, историја и литература на традиционалниот Меѓународен семинар за македонски јазик, литература и култура, кој од денес до 13 јули ќе се одржува во Охрид.
Според најавите, на семинарот ќе учествуваат стотина слависти и македонисти, од Русија, Полска, Словенија, Украина, Србија и Хрватска. Годинава за учество на семинарот интерес пројавиле голем број професори од САД и од западноевропските земји. Предавањата, лекторските вежби и дискусиите ќе се одржуваат во Конгресниот центар на Универзитетот „Св. Кирил и Методиј“во Охрид. Таму ќе биде организирана и Научна конференција, на која ќе учествуваат шеесетина научници слависти и македонисти.
Семинарот кој се одржува по 43 пат е во организација на Универзитетот „Св. Кирил и Методиј“ од Скопје.
OhridNews
