Започнува ревијата на српски играни филмови

Со премиерното прикажување на филмот “На убавиот син Дунав”, денеска во Центарот за култура „Григор Прличев“, започнува ревијата на српски играни филмови. На премиерата најавено е присуство на  режисерот Дарко Бајиќ и актерската екипа која настапува во филмот „На убавиот син Дунав”.

Ревијата на српски играни филмови, ја организира  Српско-македонското друштво „Коштана“. До 28 март во Центарот за култура во терминот од 18 и 20 часот љубителите на филмот ќе имаат можност да проследат 6 филмови од српската продукција.

Паралелно со филмската ревија во галеријата на Центарот за култура ќе се одржи изложба на уметнички дела на Миро Масин и локални уметници.