Заинтересираните, со вештините на цртањето ќе ги запознае талентираниот студент во четврта година на Универзитетот за информатички технологии и науки „Св. Апостол Павле“, Филип Стојковски, волонтер во Црвениот крст.
Во текот на курсот, учесниците ќе имаат можност да ги посетуваат изложбите и музеите во градот, како и да се запознаат со познати академски сликари, да ги посетат нивните ателеа и видат нивните дела.
– Се што ви е потребно е да сте постари од 14 години и имате силна волја, а претходни знаења и вештини не се неопходни. Направете го првиот чекор и присуствувајте на презентацијата на овој бесплатен курс, каде ќе дознаете повеќе за организацијата, целите и начинот на кој се реализира овој проект, порачуваат од општинскиот Црвен крст.