Во образложението на законот, се вели дека причината за негово изготвување е фактот што мониторинг мисиите на УНЕСКО, во Македонија, во неколку наврати имале сериозни забелешки за тоа што помеѓу македонските закони не постои и ваков закон. Исто така предлагачите на законот објаснуваат дека друга причина поради која се пристапило кон донесување на ваков закон е и тоа што во последните неколку години евидентирана е зголемена урбанизација на крајбрежјето на Охридското Езеро, што значи постепено уништување и обезвреднување на природното и културното богаство во охридско.
– создавање на услови за пронаоѓање, заштита, популаризација и унапредување на состојбата со светското природно и културно наследство во Охридскиот регион;
– пренесување на идните генерации на исклучителните вредности на светското природно и културно наследство во Охридскиот регион како дел од општото наследство на целото човештво;
– спроведување на научни истражувања и воспитно-образовни активности;
– создавање на услови за оддржлив развој на Република Македонија и општините Охрид, Струга и Дебрца , преку соодветно користење на светското природно и културно наследство на Охридскиот регион;
– спречување на активности кои негативно влијаат врз исклучителните вредности на светското природно и културно наследство во Охридскиот регион, и
– вклучување на Република Македонија и општините Охрид, Струга и Дебрца во меѓународниот систем на соработка и помош со цел меѓународната заштита на светското природно и културно наследство.
