Во рамките на своите законски овластувања и ингеренции, изминатиов викенд, СВР Охрид, во Охрид и Струга изврши засилени контролни активности по градските угостителски објекти.
Целта на контролните мерки било регистрирање на прекршоци во однос на присуство на малолетни лица во угостителските објекти после 24 часот, точење алкохол на малолетници, но и мерки по други основи согласно законските овластувања.
Во акцијата биле опфатени речиси сите угостителски објекти во Охрид и Струга, при што во кафе-баровите „Пулс„ и „Мистик„ во Охрид, регистрирано е присуство на малолетници по 24 часот. Во „Мистик„ евидентирано е и точење на алкохол на малолетни лица.
Во неколку угостителски објекти во Охрид и Струга, регистрирани се и прекршоци, односно непочитување на одредбите од Законот за јавна чистота и Законот за прекршоци против јавниот ред и мир.
По изготвените записници од превземените активности, против сите субјекти односно физички и правни лица кај кои се регистрирани прекршоци, ќе бидат поднесени соодветни пријави.
извор: МВР
