Осум диви обложувалници во Струга, Кичево и Дебар, биле цел на акциските контроли на тимови од полициски службеници и инспектори на УЈП кои биле реализирана на 30-ти септември во врска со Законот за приредување на игри на среќа-обложувалници и забавни игри.
Во шест нелегални обложувалници, инспекторите констатирале дека организаторите на обложувањето имале работници на пулт кои наплатуваат и издаваат друга документација за обложување. Ниту еден од организаторите на обложувањето немале лиценца и друг вид одобрение за приредување на игрите на среќа. Инспекторите од УЈП извршиле увид во затекнатата состојба со обложувањето, опремата, затекнатите пари од промет по што оформиле записници и друга потребна документација.
Од нелегалните обложувалници, поради незаконско работење и спротивно на Законот за игрите на среќа и забавните игри, од страна на УЈП биле одземени пари, телевизори, компјутери, монитори, печатачи и друга опрема. УЈП согласно Законот за игрите на среќа и забавните игри, донела решение за забрана за работата и приредување на игри на среќа и забавни игри и запечати две нелегални обложувалници во Кичево и во селото Стрелци, три диви обложувалници во струшките села Велешта и Корошишта и една во Дебар.
Една нелегална спортска обложувалница во Кичево не работела, а во другата била констатирана пренамена на дејноста.
OhridNews
