Заврши санацијата на дефектот кој предизвика пропаѓање на дел од коловозот на крстосницата кај маркетот „Макси Д“. Овој дел од улицата денес се асфалтира и како што информираат од ЈП „Нискоградба“, се очекува во текот на денот да биде отворена за сообраќај.
Надлежните служби од Ј.П. „Нискоградба“ во изминатите десеттина дена извршија замена на оштетените цевки од канализациониот систем кои беа преполовени поради што дојде до отворање на голема дупка во коловозот.
Од страна на надлежните беше утврдено дека причина за дефектот било нестручно изведување на дождовната канализација пред повеќе од десет години.
OhridNews
