Збунети возачи од половина пат се враќаат-без поставен знак не знаат дека улицата е раскопана

Голем број охриѓани реагираат дека на улицата „Даме Груев“ не е поставен сообраќаен знак кој предупредува дека кога ќе свртат на „Мите Богоески“  на половина од улицата во тек се градежни активности. Поради тоа, принудени се да се враќаат назад  дури кога ќе пристигнат на местото каде е раскопана улицата.

– Има поставен знак со предупредување од другата страна на „Мите Богоески“, на улицата „Димитар Влахов“, но за возилата кои се движат по „Даме Груев“ и сакаат да возат по „ Мите Богоески“ никаде нема предупредување, освен сообраќајниот знак кој покажува дека може да се движат право кон „ Туристичка“ и десно по оваа улица, на која во моментов е невозможно да се помине, велат тие, при што бараат надлежните да постават соодветна сигнализација со предупредување .

Градежните зафати на „Мите Богоески“ за поставување на атмосфесрка и фекална канализација започнаа кон средината на месец септември и според најавите треба да завршат кон крајот на октомври.