Младите во Охрид се жртва на манипулациите на СДСМ и градоначалникот Јован Стојаноски. Излезе на виделина лажната перспектива за младите и божемното привлекување на младите генерации. Младите се чувствуваат гневни, измамени, злоупотребени по досегашните изминати кошмарни 8 месеци. Реформите направени од ВМРО-ДПМНЕ гледаме како една по една се укинуваат, рече на денешната прес конференција Александар Здравевски, претседател на УМС на ВМРО-ДПМНЕ ОК Охрид.

– Господине градоначалник Стојаноски дали затоа што чувствувате вина и одговорност свесно го заборавивте Меѓународниот ден на младите? Локалниот совет на млади формиран во времето на градоначалникот Д-р Никола Бакречески токму по повод Меѓународниот ден на младите повеќе не функционира. Осум месеци поминаа Ве прашуваме секој досегашен месец на кој спорт му беше посветен, ако знаеме дека ветивте организирање „месец на спортот“? До каде се ветувањата дека по завршувањето на образованието за младите ќе понудите три опции, со кои ќе помогнете во животот, и тоа вработување, практиканство и дообука?, праша Здравевски.

Здравевски порача дека младите во Охрид заслужуваат просперитетна иднина, како што рече, но со СДСМ очигледно тоа не е возможно.

OhridNews