Големата балканска музичка ѕвезда Здравко Чолиќ вечерва ќе одржи концерт на стадионот „Билјанини извори“ во Охрид. Чолиќ во Охрид настапува по пауза од две децении и најавува незаборавно четиричасовно шоу за публиката, која се очекува да го исполни до последно место градскиот стадион. Концертот започнува во 21 часот, a билетите може да се набават во Т.А. „Вис Пој“.
Истовремено во предворјето на Св. Софија во рамки на фестивалот „Охридско лето“ концерт ќе одржи уште еден легендарен музички состав, македонскиот супер-бренд „Леб и Сол“. Билети за концертот на „Леб и Сол“ можат да се набават на продажните места на „Охридско лето“.
OhridNews
