Од здравствениот дом- Вевчани обвинуваат дека во текот на денот, од страна на активисти на струшкиот градоначалник се врши присилување на граѓаните да ги бојкотираат закажаните систематски прегледи и задолжителните вакцинации на децата од предучилишна и училишна возраст од село Лабуништа.
Од Здравствениот дом- Вевчани, потенцираат дека ќе продолжат со својата хумана и благородна дејност, давајќи им услуга на сите граѓани без разлика на нивната верска и етничка припадност.
Градоначалникот на општина Струга, Рамиз Мерко, ваквиите обвинувања ги демантира и отфрли како целосно невистинити, потенцирајќи дека не му паѓа на памет да прави такви работи.
Во Здравствениот дом во Вевчани примарна здравствена заштита добиваат околу 28000 жители од струшкиот регион.
OhridNews
