Здружението „Богојавление“ со нов Управен одбор од септември

Како што најави претседателот на Здружението на граѓани „Богојавление“, Љупчо Арнаудов, од септември здружението ќе функционира со нов Управен одбор.

– Актуелниот Управен одбор успешно работи веќе десет години и се надевам дека така ќе продолжи и новиот. Старите членови на здружението остануваат, ќе се смени само Управниот одбор, вели претседателот на здружението, Љупчо Арнаудов.

Тој потенцира дека во здружението никогаш не се случиле сериозни несогласувања меѓу членовите. – Ако до тоа дошло во неколку случаи,  сепак било во нормални размери како и во секое поголемо семејство, додава Арнаудов.  

Како што потенцира тој здружението продолжува да работи со полна пареа, преку реализирање на бројни активности и преку целата година, збогатувајќи ја манифестацијата по која Охрид станува се повеќе препознатлив во регионот и пошироко.