Во месеците септември-октомври 2011 година на аеродромите во Република Македонија е забележано зголемување на бројот на превезени патници, споредено со истиот период во 2010 година, соопшти Министертвото за транспорт и врски.
Имено, во месец септември од двата аеродроми во Република Македонија – аеродромот „Александар Велики“ во Скопје и аеродромот „Св. Апостол Павле“ во Охрид се превезени вкупно 82.641 патници, додека во истиот период минатата година биле превезени вкупно 65.878 патници, што претставува зголемување за 25.4% во однос на 2010 година.
Во месец октомври од двата аеродроми во Република Македонија се превезени вкупно 74.703 патници, додека во истиот период минатата година биле превезени вкупно 62.876, што претставува зголемување за 18.8% во однос на 2010 година.
OhridNews
