Како што информираат од министерството за транспорт и врски, на охридскиот аеродром „Св. Апостол Павле“ , во јуни, јули и август 2011 вкупниот број на патници изнесува 39.262 , што е зголемување за 93.73% во однос на истиот период минатата година кога на овој аеродром биле регистрирани 19.928 патници. На охридскиот аеродром се бележи и зголемување на бројот на операции на воздухоплови за 63.93% во летниот период 2011 година, споредено со истиот период минатата година.
Зголемување на бројот на превезени патници е евидентиран и на скопскиот аеродром. Според податоците на надлежното министерство, на аеродромот „Александар Велики“ во Скопје во летниот период оваа година се регистрирани 254.351 патник, што споредено со истиот месец минатата година, кога биле регистрирани 236.011 патници, претставува зголемување за 7.83%.
Најголем пораст на бројот на превезени патници е забележан во јули 2011 година, кога од двата аеродрома се превезени вкупно 113.010 патници што претставува пораст од 17.4% во однос на истиот месец 2010 година, кога биле превезени 96.271 патници.
OhridNews
