Со започнување на летната туристичка сезона се зголемува и потребата од крв и крвни продукти во Охрид. Од тие причини Црвен крст Охрид во соработка со трансфузиолошките служби од Општата болница и болницата “Св.Еразмо” интензивно работат на организирање на летни крводарителски акции со крводарители и од други градови во Р. Македонија.

Во таа насока во наредните два дена ќе се одржат две крводарителски акции. На 09.07.2010 г. (петок) со почеток во 10 ч., во Општата болница во Охрид крв ќе даруваат крводарители од Прилеп и Кавадарци, додека втората крводарителска акција ќе се одржи на 10.07.2010 г. (сабота) со почеток во 10 ч.,  во болницата „Св. Еразмо” со крводарители од МЗ Даме Груев од Скопје.

Крводарителски акции ги помогна Инженеринг ДАСС, Охрид.

OhridNews