Вчера во 10.25 часот пред банка на булевар „Туристичка“ во Охрид, патничко моторно возило „пежо“ со охридски регистарски ознаки, управувано од 39-годишен охриѓанец удрило во 45-годишна жена од Велгошти.
Во незгодата таа се здобила со тешки телесни повреди и била пренесена во Специјалната болница „Св.Еразмо“ во Охрид за укажување на лекарска помош.
Увид на местото на настанот извршила екипа од СВР Охрид.
Ноќеска, пак, во 00.25 часот, во СВР Охрид, приведен бил 23-годишен охриѓанец поради непристојно и агресивно однесување кон полициски службеник.
При извршен преглед, кај него пронајдени и одземени се еден остар предмет и еден метален боксирач. Против него, ќе биде поднесена соодветна пријава, – соопшти СВР Охрид.
Исто така ноќеска, во 00,15 часот, на булевар „Туристичка“ во Охрид, при преглед кај 22 годишно момче биле пронајдени метален нож и едно најлонско пакување со опојна дрога марихуана. Тој е приведен и против него ќе биде поднесена соодветна пријава, информира СВР Охрид.
OhridNews
