– Ја повлекувам мојата одлука за згаснување на клубот ЖФК “Билјанини Извори“ и на Охрид ќе му дадам уште една шанса за елитен фудбал. Овие денови не ми беше ни малку лесно кога сите играчи и пријатели на клубот констатно беа во контакт со мене и загрижени за иднината на клубот. Понуди има многу, а има и такви кои ни нудат целиот клуб да префрлиме во некој друг град – рече Попоски.
Охридскиот фудбалски клуб “Билјанини Извори“ по првата полусезона се закити со титулата есенски првак во Првата лига.
– Ние фуриозно стигнавме до титулата есенски прваци во лигата. Уште пред почетокот на првенството најавував дека тоа ќе се случи. Сите трошоци за патувања на гостувања и финансиска обврска кон играчите паднаа на мојот грб, што беше премногу. Секој кој му мисли добро на клубот и фудбалот во Охрид, а кај кого не сме се обратиле, а имаат желба и можност да помогнат за да биде успешен проектот може да дојде во просториите од клубот сместени во СРЦ “Билјанини Извори“ – заврши Попоски.
Поради новонастанатата ситуација ЖФК “Билјанини Извори“ го одложи првенствениот натпревар со Речица и ќе го одигра наредниот викенд.
