Жителите од кулите на улицата „Партизанска“ најавија протести доколку не запре урбанизацијата на парковските површини помеѓу зградите.
Според нив започната урбанизација не само што го деградира просторот и го уништува зеленилото, туку влијае и на квалитетот на животот.
Незадоволните граѓани побараа локалната самоуправа да ги преиспита одлуките за урбанизација на центарот на градот и најавија судска разрешница на случајот, зад кој според нив се кријат интереси на моќници.
Според надлежните органи започнатите и другите предвитени градежни дејствија во центарот на Охрид се легални и во согласност со донесените Детални урбанистички планови.
OhridNews
