ЗНМ најостро ја осудува изјавата на премиерот Никола Груевски во која тој посочува дека медиумите А1 ТВ, Време, Шпиц и Коха Е Ре се непрофесионални медиум, повикувајќи ги граѓаните сите информации кои се емитуваат на овие медиуми да се земаат со сериозна резерва.
Со ваквата изјава претседателот на Владата Никола Груевски врши политичко жигосување на медиумите, а истовремено нанесува и сериозна материјална штета, сериозно загрозувајќи го начелото на конкурентноста, стои во реакцијата на ЗНМ.
Здружението на новинари бара од претседателот на Владата Никола Груевски јавно да се извини за искажаните зборови против медиумите А1, Време, Шпиц и Коха Е Ре.
За релевантноста и точноста на информациите објавени во медиумите суди јавноста, а новинарите одговараат пред Судот на честа при ЗНМ. Затоа ниту еден политичар, во случајот премиерот Груевски нема право и не смее да етикетира и навредува новинари и медиуми. – се вели во соопштението на ЗНМ.
OhridNews
