ОГЛАСИ

Градинка во Вевчани ќе се снабдува со електрична енегергија од сопствени извори

Вести | Охрид | 20.11.2017 15:22Посети : 713

Центарот за развој на југозападниот плански регион, утре на 21 ноември со почеток во 12 часот и 30 минути свечено ќе ја пушти во употреба сопствената електрана на ЈОУДГ Планински цвет во општина Вевчани.



Оваа активност е дел од регионалниот проект „Енергетско-ефикасни објекти во југозападниот плански регион„ одобрен од страна на Министерството за локална самоуправа, односно Бирото за регионален развој, што се имлементира во тековнава година.

Во проектот се опфатени шест општини со повеќе јавни установи, како градинки, училишта и други објекти врз кои се вршат повеќе интервенции со цел да се подобри енергетската ефикасност на објектите, а за што се издвоени околу 15 милиони денари од Буџетот на РМ за регионалниот проект што го имплементира Центарот за развој на југозападниот плански регион.

Детската градинка во Вевчани е прв јавен објект во југозападниот плански регион, а можеби и во целата држава што добива фотоволтаична инсталација за производство на електрична енергија со што се решаваат дневните потреби на установата. Имено, во ЈОУДГ Планински цвет во Вевчани поставени се 16 панели, кои дневно ќе произведуваат 4 киловати електрична енергија, со што на годишно ниво значително ќе се намалат издвојувањата кон ЕВН за потрошена електрична енергија, односно истите ќе бидат сосем минимални.

Минатата година, преку проект на Центарот за развој на југозападниот плански регион, во детската градина во Вевчани беа инсталирани два системи за топла вода, така што може да се каже дека нивото на заштеди на установата се значајно подобрени. Покрај тоа, подобрени се условите за работа на вработените и на околу 60-тина најмлади кои дневно се згрижуваат во установата.

По повод пуштањето во работа на електраната во детската градинка во Вевчани, обраќање ќе имаат градоначалникот на Општина Вевчани, г-дин Сашо Јанкоски и раководителот на Центарот за развој на југозападниот плански регион, г-ѓа Мирјана Лозаноска.

Проектот „Енергетско-ефикасни објекти во југозападниот плански регион„ се спроведува во општините Охрид, Струга, Дебрца, Вевчани, Кичево и Центар Жупа.


OhridNews

© 2017 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали е потребно формирање специјална служба - полиција за борба против загадувачите на животната средина?

Да

Не

Надлежните служби треба да почнат да ја вршат својата работа

Гласај

Да - 346 гласови (39%)

Не - 72 гласови (8%)

Надлежните служби треба да почнат да ја вршат својата работа - 468 гласови (53%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833