ОГЛАСИ

Шест иновации кои според Бил Гејтс ќе го променат светот

Занимливости | Свет | 08.01.2018 07:00Посети : 1999

Основачот на Микрософт и еден од најбогатите луѓе на светот, Бил Гејтс, на листата на иновации кои ќе го променат светот, стави шест работи кои според него ќе го подобрат животот на луѓето.



Подобро чување на вакцините


Вакцините спасуваат милиони животи, но брзо се расипуваат доколку не се чуваат на соодветна температура. Група научници од компанијата „Global Good“ од Сиетл, САД, создаде иновативен ладилник наречен „MetaFridge“, кој е специфичен по тоа што може да одржува ниска температура долго време доколку остане без напојување со електрична енергија.


Едитирање гени


Замислете иднина во која можеме да земеме ДНК од болно дете и ги отстраниме гените кои можат да предизвикаат тешки заболувања, вели Гејтс.


Соларно гориво


Научниците во лабораториите на институтот „Caltech“ работат на создавање соларно гориво, кое ќе ја намали зависноста од фосилните горива и ќе ги намали климатските проблеми, открива Билј Гејтс.


Генетски вакцини


Најголемиот број вакцини денес користат ослабени или неактивни форми на вирус за да го поттикнат организмот да создаде антитела и да спречи развивање на болест. Новиот вид вакцини на кои се работи се насочени кон искористување на генетскиот материјал за нивно создавање. Тоа според Гејтс ќе го забрза и поевтини процесот на создавање вакцини.


Подобрен внес на лекови


Доколку секој ден пиете лекови во исто време знаете колку е лесно да го заборавите терминот, вели Гејтс. Компанијата „Intarcia“ направила мал уред кој се всадува под кожата на човекот и кој полека ги ослободува лековите во крвотокот на одреден временски период.


Вештачка интелигенција


Од сите иновации на листата, сигурен сум дека оваа во потполност ќе промени нашиот начин на живот, истакнува Гејтс. Но, исто така, ќе создаде нови предизвици на кои ќе мораме да обратиме големо внимание, вклучително и на промената на занимањата на луѓето кои поради автоматизацијата ќе останат без работа, смета Гејтс.


OhridNews

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Занимливости

ВАШЕТО ВНИМАНИЕ

АНКЕТА

Дали ќе биде постигнат договор за спорот со името помеѓу Македонија и Грција?

Да

Не

Гласај

Да - 4 гласови (15%)

Не - 22 гласови (85%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833