ОГЛАСИ

Студентите од ФТУ учат како професионално се послужува вино

Вести | Охрид | 26.04.2013 17:23Посети : 2333


Виното се произведува со многу труд  и знаење и затоа е многу важно како тоа ќе им биде послужено на гостите, беше потенцирано пред студентите од Факултетот за туризам и угостителство кои учествуваа на првата работилница за вино.





Како што потенцира Ангела Василевска, професор и раководител на катедрите за гастрономија и хотелско-ресторански менаџмент на ФТУ во Охрид, целта поради која се организира работилницата  е  да се промовира винската култура во Македонија  и да се подобри знаењето на студентите за виното и неговото значење во  угостителската  индустрија.





- Ова е навистина многу важно, бидејќи виното како производ е многу важен во угостителската индустрија, а знаењето на студентите е важно за создавање на еден профил на студент кој ќе излезе од кај нас и ќе биде подготвен да одговори на пазарот на труд  на еден високо професионален начин. Досега немаше  лица кои знаат правилно да го служат виното и правилно да го понудат. Секое вино треба да биде послужено со винска приказна, а не на гостинот само да му се  даде винска карта , објаснува Василевска.

Студентите во текот на двата дена од работилницата имаа можност да стекнат знаења  за виното- неговото прозиводство, квалитет и дегустација од  Лилјана Лазова, сомелиер со долгогодишно искуство во Винарската визба „Тиквеш“.





-    Со стекнување на знаењата за производството и квалитетот на виното се надеваме дека ќе им помогнеме на студентите да се едуцираат, но и на луѓето во хотелиерството да имаат вработени  кои ќе можат да ги служат вината. Ќе им помогнеме и на винариите,  да има луѓе кои ќе можат правилно да ги презентираат вината добиени со многу труд и кои заслужуваат да ги послужува некој  кој има знаење. Гостинот кога ќе дојде сака да слушне приказна за виното кое му се нуди и какви карактеристики има, вели Лазова.





Освен првата ќе следуваат уште неколку работилници,а студентите ќе имаат можност да посетат винарии и да го видат процесот на производство на виното.

По завршувањето на работилниците, студентите ќе добијат сертификат за вински експерт.


Т. Кувенџиска









© 2017 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали во екот на сезоната во Охрид треба да се одржуваат настани на отворено кои траат до доцна во ноќта?

Да

Не

Треба да постојат исклучоци, според строги правила

Гласај

Да - 931 гласови (36%)

Не - 668 гласови (26%)

Треба да постојат исклучоци, според строги правила - 961 гласови (38%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833