Турнирот во мал фудбал „Петровден“ што се игра во Мешеишта оваа година ќе се одржи по јубилеен 50-ти пат.
Организаторот подготви богат награден фонд од 500 000 денари од кои победникот ќе инкасира 300 000, второпласираниот 120 000, третиот 60 000, а четвртиот 20 000 денари.
Пријавувањето за учество на турнирот е во тек и ќе се одвива заклучно со 14 јуни. Котизацијата за учество изнесува 5000 денари по екипа. Ждребот за групите е на 15 јуни.
Минатата година на турнирот триумфираше екипата на Сатеска од Волино која во финалето ја совлада екипата на АСП ПАК со 2:1.
Традиционално медиумски партнер на турнирот „Петровден“ Мешеишта е Охридњуз.
Г.М.
