Вкупно 437 кандидати атакуваат на едно од 23-те одборнички места во Советот на Општина Охрид. До Општинската изборна комисија-ОИК, до истекот на законски дозволениот рок, синоќа на полноќ, пристигнале вкупно 19 листи на советници. Од нив 12 се партиски, а 7 на група избирачи.
За место во градскиот Совет на претстојните локални избори ќе се борат: НСДП – носител Верица Хајба; ЛДП – носител Крум Арнаудов; ВМРО НП – носител Јоне Станкоски; Партија за движење на Турците – носител Шенол Рушит; ДПА – носител Бесник Османи; коалицијата ВМРО ДП и ТМРО ЗЕТ – носител Васил Ристески; ПЕИ – носител Кујтим Усеини; СДУ – носител Веле Митаноски; Нова Демократија – носител Адријан Хасани; СДСМ – носител Бранко Трпчески; ДУИ – носител Недим Положани и ВМРО ДПМНЕ – носител Борче Стефановски.
До ОИК пристигнале и седум листи за советници од група граѓани: предводени од: Љупчо Настоски; Никола Пулески; Владо Цветкоски; Љупчо Нечкоски; Петре Петрески Калимеро; Борис Стојаноски и Тома Трајаноски.
