Во координирана акција на Oддeлението за организиран криминал при МВР и СВР Охрид, на 18.7.2019 во 23:20 часот на регионалниот пат Охрид-Св.Наум, во близина на населбата Рача, сопрен е патнички автомобил, управуван од 53-годишен жител на Струга. Притоа, во багажниот простор, пронајдени се три патни торби со околу 50 килограми марихуана.

Возачот се обидел со автомобилот да избега, но бил приведен од полициските службеници. Во врска со овој случај, приведено  е уште едно 31-годишно лице од Струга, со друг патнички автомобил, информира портпаролот на СВР Охрид Стефан Димовски.

По целосно документирање на случајот, СВР Охрид, против нив ќе поднесе соодветна кривична пријава.

OhridNews