Заклучно со месец јули годинава во Агенцијата за вработување во Охрид регистрирани се 8.100 невработени лица.
-Практично ова е најмалата бројка на невработени во однос на претходните 15- 16 години. Намалувањето на бројот на невработени е резултат на спроведените активни мерки за вработување меѓу кои: субвенционирање на вработувањето, практиканство, само вработување од идеја до бизнис, формализирање на веќе постоечки бизниси, кредитирање заради вработување, обука за познат работодавач и уште неколку други, вели раководителот на Агенцијата за вработување, Јован Баткоски.
Денеска истекува рокот до кога сите работодавачи кои сакаат да го развијат својот бизнис можат да поднесат апликација до Агенцијата за добивање кредит кој изнесува 3000 евра за едно невработено лице со грејс период од една година и две години рок на враќање. Се аплицира за вработување на едно односно максимум три лица, информираат од институцијата.
А.Б.
