При акција, што деновиве ја реализираа полициски службеници од граничната полиција од регионалниот центар Запад и СВР Охрид, во угостителски објект во струшкото село Велешта биле затекнати две албански државјанки со непријавен престој.
– На девојките кои се на возраст од 28 и 21 година, согласно законот за странци им е поднесена прекршочна пријава и изречена им е парична казна од 250 евра и забрана за влез во Република Македонија во времетраење од една година, информира портпаролот на СВР Охрид, Стефан Димоски.
Двете албански државјанки во угостителскиот објект извесно време работеле како естрадни уметнички и имале нелегален престој со што извршиле злоупотреба на туристичкиот престој во Република Македонија за нелегална работа.
OhridNews
