По повод храмовиот празник „Духовден” во црквата Света Троица во населба Црногорци денес ќе биде отслужена празнична вечерна богослужба со почеток во 18 часот.
Утре во 7:30 часот ќе се одржи празнична утрена, а во 8:45 часот света архиерејска литургија. Со литургијата ќе чиноначалствува митрополитот на Дебарско-кичевската епархија г. Георгиј.
По завршување на богослужбата владиката ќе изврши водосвет и ќе ги благослови празничните лебови, а потоа ќе следува и литија околу храмот.
Од храмот упатуваат повик до верниците да земат учество во свештеното торжество и во прославувањето на роденденот на Светата Црква.
OhridNews
